कविता छोडेर नेपाल

 शार्दूलविक्रीडित

SSS  IIS  ISI  IIS, SSI SSI  S

आमा यो परदेश छैन सबैको, जस्तो म सोच्थे कठै

देखेको अधुरै छ प्रिय सपना, आसा बनेरै अझै

पैसाले रजनी हरे पनि सदा, लड्दैछु जानेर त्यो

बाटो लाग्नु पर्यो कमाउन भनी, नेपाल छोडेर त्यो 

आफ्नो जीवनको धरातल भला, पार्नै छ उत्कर्षमा

पुछ्दै यो पसिना शरीर यसरी, चल्दैछ सङ्घर्षमा 

बर्षौ बर्ष यहाँ कमाउन बसेँ, देशै बिरानो भयो 

के नै रैछ र यो उमेर यतिकै, ढल्केर खेरै गयो

औधी नै घरदेशको छ ममता, छोडेर आए पनि 

आसा जीवनमा छ त्यो जिवित नै, फर्केर जाने भनी 

देशै छोड्न कहाँ थियो रहरमा, त्यो बाध्यता नै थियो 

बेकामे घरदेशमा बने म तब पो, नेपाल छोड्नै पर्यो 

जोहो गर्छु भनी सदा म सुखको, छोडेर आफ्नोे घर 

उस्तै हाल छ जिन्दगी तर अझै, लागेन यो मन्तर 

अर्को साल उतै म आउछु घरै, सम्झेर नेपालमा 

बाकी जीवन यो चलाउछु उतै,जस्तो छ उस्तै म मा

प्रकाश स्याङ्बो